• LOGIN
  • No products in the cart.

Advice 5/30: All about SAT2 Subjects, Scores, Secrets and Comparisons

Advice 5/30: All about SAT2 Subjects, Scores, Secrets and Comparisons

كل المعلومات والنصايح عن سات٢ من د. احمد عزت

سات ٢ ده بيبقى فيه ٩ مواد في شهور اكتوبر و ديسمبر ومايو
وبيبقى فيه ١١ ماده في شهور نوفمبر ويونيو
مش شرط ناخد ماث١ وبيو وفي حالات كتير بيبقى الافضل مواد تانية

يلزم للطالب للالتحاق بالكليات العملية ( الطب – الصيدلة – الاسنان – الهندسة …….الخ ) اجتياز الامتحان الاختياري SAT2 المؤهل للالتحاق بالكليات العملية. * SAT2 ((SAT Subject و يمتحن الطالب هذا الامتحان لسببين :

1. ليتمكن من الالتحاق بالكليات العملية.

2. و لزيادة درجته النهائية حيث يضيف امتحان SAT2 نسبة 15 % فوق نسبة ال 100 % التي يتحصل عليها الطالب من دخول امتحاني ال SAT1 و امتحانات المدرسة.

* يختار الطالب في امتحان ال SAT2 مادتين الي ثلاث مواد من عدة مواد حسب الكلية التي يريد الالتحاق بها و المواد هي ( رياضيات متقدمة – احياء Biology – كيمياء – فيزياء – التاريخ الامريكي – لغة فرنسية او المانية او اسبانية ). مثلا : اذا رغب الطالب في الالتحاق بكليات مثل ( الطب – الصيدلة – الاسنان – العلاج الطبيعي – التمريض – الطب البيطري …..الخ) فيلزم له دخول امتحان الاحياء Biologyالزاما بالاضافة الي اية مادة اخري من المواد ( فيزياء – كيمياء – رياضيات ) . و اذا رغب في الالتحاق بكليات مثل ( الهندسة – الفنون قسم عمارة – البترول و التعدين –الكمبيوتر و المعلومات – معاهد التكنلوجيا……..الخ ) فيلزم له دخول امتحان الرياضيات المتقدمة الزاما بالاضافة الي اية مادة اخري من المواد ( فيزياء – كيمياء – احياء Biology ). لذا : فمن المهم لمن يرغب في ان تكون له فرصة الالتحاق بكل الكليات العملية ان يكون اختياره لمواد SAT2 هو ( الاحياء Biology الرياضيات ) ** تقييم امتحان الSAT2 من درجة 1600 ( 800 درجة لكل مادة ) .

ليفل١ و ٢ نفس المنهج تقريبا بس الطالب المتوسط او الضعيف في الالجبرا بياخد ليفل ١ انما الطالب الكويس في الالجبرا بيبقى ليفل ٢ احسن

بالنسبة للطلبة عندي بعملهم موك كذا مره بنحدد من خلالهم حنخش ١ ولا ٢ وعلى فكره تقدري تحددي براحتك غي الامتحان المواد الي تاخديها المهم تكوني حاجزة عدد المواد المطلوب ،الي بيحب الاجبرا حيلاقي level2 اسهل والعكس صحيح ، دايما رأيي ان الطالب لو عايز طب او شامل ياخد
math level1 + math level2 + Biology
او لو عايز هندسة ياخد
Math level1 + math level2 + Physics
انك تاخد تلات مواد مش اتنين حيفرق اقل من ٢٠ دولار وساعة زياده في الامتحان وبتاخد الاعلى في الماث مع الماده التانية وده انسب اختيارات من وجهة نظري ، لو انت محترف استعمال كالكيليتور بتتعلم طرق استعمالها مع level2 وبتجيب اعلى من level1
بس المشكلة ان المدرسين بيكسلوا يدوروا على الطرق بتاعته ومش عايزين يوجعوا دماغهم مع level2 عشان كده مبيرشحوهوش وبيرشحوا level1 عشان مصلحتهم بتقتضي كده ،الي بياخد level2 نوعين من الطلبة:
١- الطالب الشاطر عشان فرصته اكتر في level2 يقفل ال800 عشان لو ساب ٦ اسئلة لسه ال800 في جيبه.

٢- الطالب التعبان اوي ونسبة ذكاءهم ضعيفه وبنكون عايزين ننجحه والسلام وتاعب اهله عالآخر بنديله math level2 + Physics عشان زيرو سكور الlevel2 410 + Physics 400 = 810 يعني محتاج يحل 5 اسئلة level2 و 5 اسئلة فيزيكس ويبقى نجح.

انما الطالب المتوسط بيبقى احسنله في الغالب level1 ، الميزة في level2 انك مش حتاخدله كورس زياده لانه نفس كورس level1 وامتحاناته الريل كلهم 8 امتحانات تحلهم وتعرف طرق الحل الزياده عن level1 في حصتين.
المهم تختار المدرس الصح متختارش مدرس من الهواة الي طالعين جديد عشان مش حيفيدوك في level2. ومفيش ماده انسب على الاطلاق انما كل طالب وقدراته حسب نسب ذكاءه وحسب الMathematical intelligent او الLogical intelligent
مفيش حاجه اسمها تعميم والي بيعمم بيرح نفسه وبيكبر دماغه ومش دقيق

-البيولوجي زيرو سكور ٣٠٠ والماث ١ زيرو سكور ٣١٠ يعني كده توتال ٦١٠ يعني لازم تحل حوالي ٣٦ سؤال عشان توصل للنجاح في الخاص ٩٠٠ ولازم تحل حوالي ٦٠ سؤال عشان توصل للنجاح في الحكومي ١١٠٠
-البيولوجي زيرو سكور ٣٠٠ والماث ٢ زيرو سكور ٤١٠ يعني كده توتال ٧١٠ يعني لازم تحل حوالي ٢٥ سؤال عشان توصل للنجاح في الخاص ٩٠٠ ولازم تحل حوالي ٤٥ سؤال عشان توصل للنجاح في الحكومي ١١٠٠
-الفيزيكس زيرو سكور ٤١٠ والماث ١ زيرو سكور ٤١٠ يعني كده توتال ٨٢٠ يعني لازم تحل حوالي ١٠ سؤال عشان توصل للنجاح في الخاص ٩٠٠ ولازم تحل حوالي ٢٩ سؤال عشان توصل للنجاح في الحكومي ١١٠٠
في حالات كتير وكل حاله ليها المواد الي تناسبها
-بيو وماث١ تناسب الطالب الي عايز يضمن هندسة وطب ويكون اشطر في الGeometry عن Algebra ويكون بيعرف يحفظ كويس
-فيزيكس وماث٢ تناسب الطالب الي عايز هندسة ومبيحبش الحفظ ويكون شاطر في الAlgebra
-المواد دي يا آسر combination كل حاله حسب امكانياتها واتجاهاتها لاننا مينفعش نعامل الكل زي بعض وانت عايز اعلى سكور واعلى سكور ده بييجي انك تختار المواد الانسب لامكانياتك واختياراتك وهم عاملينها ٩ مواد عشان كل واحد واختياراته وممكن ننصح واحد بمواد غلط تعمله مشاكل.

يعني مثلا اعرف طلبة الضعاف اخدوا ماث١ وبيو قعدوا ٣ محاولات عشان يجيبوا سكور الخاص وزميله ضعيف برضوا خلص من اول مره عشان خد ماث٢ وفيزيكس او بيو
ومثلا طالب تاني شاطر بس الماث٢ خلاه يجيب ٨٠٠ بس مقدرش يجيبها في ماث١ عشان لازم تقفل ٥٠ من ٥٠ عشان تجيب ال٨٠٠.

وعشان كده بنقول ان المدرس مينفعش يكون قدامه اكتر من ١٥ طالب عشان يديلهم النصايح ويفهمهم قدراتهم ويوجهم للكلية المناسبة ويساعدهم في الحجز ومؤاسلة الجامعه او الكلية مش يحشر ٥٠ طالب في علبة سردين ويتفرجوا على مسرحية ماسخه ومبتفيدش بما ينبغي ونلاقي الطلبة واولياء امورهم معندهومش وعي باي اختيارات ولا المقدرة على تحديد الاتجاهات ولا حتى حجز الامتحان ولا حتى مراسلة الكليات ولا اي شيئ.
العبره بالاخلاص في الاختيار والاخلاص في النصيحة والاخلاص فعلا بقلب.

من المهم ان نعرف ان فترة اعداد الكافية لمواد سات ٢ هي:
سات ماث من شهر ونصف لشهرين
سات فيزيكس من شهرين لشهرين ونصف
سات بيولوجي من شهرين ونصف لثلاثة اشهر
تكفي محاولة واحده لمعظم الطلبة لسات٢ للوصول للسكور المناسب

د. احمد عزت

Love
Haha
Wow
Sad
Angry
You have reacted on "Advice 5/30: All about SAT2 Subjects, Scores, S..." A few seconds ago

0 responses on "Advice 5/30: All about SAT2 Subjects, Scores, Secrets and Comparisons"

Leave a Message