• LOGIN
  • No products in the cart.

Advice 4/30: How to avoid fake SAT teachers? Take care!

Advice 4/30: How to avoid fake SAT teachers? Take care!

نصايح د احمد عزت وفريق ساتردايز لطلبة السات:
هناك بعض النقاط يجب وضعها في الحسبان عند بداية مشوار السات:

عدم الغلط في بيانات السات الي على الكولدجبورد وده ممكن يخلي الولاد ميخشوش الامتحان وعرفت ان بيانات الاكاونت لازم تبقى مطابقة للباسبور وساعدنا مدرس محترم وقدرنا نعمل الاكاونت من غير مشاكل.

بالنسبة لدروس السات في شوية معايير للمدرس عشان اعرف اذا كان كويس ولا مش كويس:
1- لازم اقابل المدرس او المدرسه في اول مره واستريح للشخصية واحس اذا كانت الشخصية مسئوله وحتعلم عيالي المسئولية ولا حيتعلموا البوظان ولازم تسألوا المدرس عن عدة نقاط مهمه:

هو درس في انه مدارس قبل كده وايه سمعة المدرسة الي هو اشتغل فيها-

-نسأله هو اتخرج من كلية ايه وتخصصه مان ايه وهل تخصصه نفس تخصص الماده الي- بيدرسها

نساله خبرته كام سنة ولازم المدرس يكون اكتر من ١٠ سنين خبره على الاقل في السات -عشان يكون مبيجربش لسه في الولاد ويكون خبرته فيها تطوير مش بيحل إمتحانات وخلاص ولازم يكون عنده نظام صارم في المتابعة وتحديد نقط الضعف وخطة لتحسينها.

اهم حاجه نسأل عليها هل ليه كتب ومؤلفات في الماده ولا بيصور كام امتحان ويحط عليها- علامة مائية بإسمه وخلاص على كده وهل هو عامل نظام ومنهج صح و بيصحح نقط الضعف عن طريق كلاسيفايد يعني اسئلة مصنفه حسب الدرس من الامتحانات الحقيقية وشاملة كل الدروس ولا لأ.

مينفعش ولي امر ياخد رأي ولي امر تاني يكون ابنه جايب اقل من ٦٥٠ في الماث و٥٥٠ في الانجليش ابدا ولا الاولاد ياخدوا رأي بعض واعرف ايها الولي الامر ان ابنك في سن مراهقه وممكن اختياراتهم تكون مبنية على آراء اصدقاء وسوء ومعظم طلبة الاميريكان بما يتعدى ال٧٠٪ اصدقاء سوء فيا ايها الاب والام المحترمين متضيعوش عيالكم ومستقبلهم عشان شوية صحاب.

-لازم المدرس يكون ليه عمل عام لمساعده مختلف الطلبة الي مش طلبته ويكون عنده ضمير- وبيدي الولاد حقهم في الوقت والمجهود والتحضير.

2- في مدرسين بيحطوا اكتر من 50 طالب في الحصه بس دول بيبقوا ماديين وعنيهم دايما على الي في جيبي وبيبيعوا الهوا وبيقنعوكي انهم مش واخدين حقهم ودول بيبقوا ليهم كاريزما وقدرتهم عالتمثيل بتبقى عاليه وطلبه كتير بتحب شخصية المدرس الي يهزر معاهم ويحسسهم في معلومة انه ادالهم حاجه كبيره اوي وانهم ميقدروش يستغنوا عنه وانهم حيضيعوا من غيره ودايما بيديلهم المعلومات بالتقسيط عشان يطولوا اكتر وقت ممكن عشان هو او هي فاكرين اننا زكيبة فلوس بيغرفوا منها وغالبا المدرسين دول ممكن يعملوا اي حاجه عشان الطلبة تزيد عندهم زي تسريب الامتحانات حتى لو ممعاهمش امتحان بيألفوا امتحان ويقولوا للولاد انه هو عشان يحضرولهم مراجعاتهم ويجيبوا صحابهم معاهم وفي الاخر الولاد بتتفتش قبل ما يخشوا السنتر وهم خارجين وتمثيلية ماسخه عشان يسوقوا لنفسهم بطريقه رخيصه جدا وبيعتمدوا على ان الولاد مذلولين والطمع في كليه حلوه مالي عنيهم واولياء الامور محطوطين بين نارين مش عارفين يعملوا ايه والحرام وبدل ما بنعلم ولادنا الاخلاق بنعلهم الغش واللف والدوران وللاسف عشان احنا طمعنا وحطناهم في ايد مدرس مادي ومعندوش مبدأ.

2- مدرسين تانيين بيفخموا في نفسهم جدا ويقولوا انهم بيدرسوا سات من 10 سنين وهم مبقالهمش كام شهر ولا بالكتير سنتين تلاته وبيجرب في عيالنا ودول بيبانوا من انهم بيخشوا على حل الامتحانات على طول واي مدرس بيشرح كلمتين في حصتين ويخش عالامتحانات على طول يبقى مبتدأ ولسه معندوش خبره.

3- مدرسين تانيين بيبقى عندهم ضمير وبيشرحوا وبيدوا الطالب بقلب وبيتابعونا في مستوى عيالنا وبيبعتولنا رسايل بالحضور والغياب وتقارير عالواتس اب بمستوى البنت ومقارنات بينها وبين زمايلها وده بيزعل الولاد وبيكونوا مش عايزين فضايح بس احسن عشان يتعلموا ويظبطوا نفسهم وبيبعتوا الهوم وورك من صفحة كام لكام وبيصححوه وبيطوروا نفسهم باستمرار وبتلاقي جديد كل فتره وبيعملوا امتحانات دورية للولاد عشان يتطمنوا ويطمنوا العيال ويطمنونا عشان نقدر نحط ايدينا على نقط الضعف قبل فوات الاوان ودول مبنلاقيهومش كتير وشخصياتهم موزونه وعاقله وبيعلموا العقل للولاد واخلاقهم قدوه خصوصا للسن ده والمدرسين دول بيبقى عندهم مبدأ ومبيخدوش طلبه اكتر من الي يقدروا يوصلوهم لسكور كويس يعني حصتهم بتبقى من 7 ل 15 بالكتير اوي عشان يقدروا يتابعوهم ويتابعونا معاهم وغالبا الطلبة اللعبيين بيهربوا منهم عشان النظام بيفضح الطالب اللعبي وللاسف الطالب اللعبي هو الي صوته عالي انما الطالب المجتهد مبيتكلمش كتير فالمدرس الكويس دايما مش واخد حقه انما المدرس الي بياخد الولاد على هواهم هو للاسف الي بيسمع.

د احمد عزت

Love
Haha
Wow
Sad
Angry
You have reacted on "Advice 4/30: How to avoid fake SAT teachers? Ta..." A few seconds ago

0 responses on "Advice 4/30: How to avoid fake SAT teachers? Take care!"

Leave a Message