• LOGIN
  • No products in the cart.

Advice 3/30: How to choose a good SAT English Instructor?

Advice 3/30: How to choose a good SAT English Instructor?

في مدرسين بيقولوا انهم بيدرسوا رايتينج بس وللاسف دول مدرسين ضعاف وحافظين شوية رولز وحافظين الاسئلة وبيستعرضوا بالحفظ قدام الطلبة انما دول نسب ذكاءهم ضعيفة وميقدروش يعلموا الطالب طرق التفكير والحل لأن فاقد الشيئ لا يعطيه وبعضهم بيكون عندهم طلبة كتير وده بيكون لأن الكاريزما وشخصية المدرس بتجذبه وأغلبيتهم طلبة ضعاف والمدرسين دول هم الي بيعتمدوا على التسريبات غالبا امثال ………………………………. والمدرسين دول بيعملوا حواليهم هالة من الغموض والبروباجاندا الكدابة وبعضهم بيشتغل ريدينج بشكل سطحي لحفظ ماء الوجه وعشان الناس متصنفهوش فيخسر..

في مدرسين تانيين بيقولوا انهم بيشتغلوا ريدينج واقوى في الريدينج عن الرايتينج … مبدئيا المدرس القوي بيبقى قوي في الاتنين … انما المدرسين دول بيبقوا عايزين يعملوا فرقعه عشان عارفين ان نقطة ضعف الطلبة المصريين في الريدينج فبيركزوا في الدعاية بتاعتهم على الريدينج عشان يلموا طلبة اكتر وبعد ما الطالب تيجي رجله بيسحبه عالرايتينج مع الريدينج والمدرسين دول تلاقاهم جداد في السات امثال ……………………………. و وعدة مدرسين تانيين عشان جداد..

المدرسين الاقوياء الي بيشتغلوا ريدينج ورايتينج وتاسيس وحل وكل حاجه مش بياخد الي على مزاجه ويسيب الي مش على مزاجه … المدرس الي بيشتغل رايتينج بس ضعيف … والي بيشتغل ريدينج بس ضعيف … والي بيشتغل حل امتحانات بس ضعيف والي بيشرح من من غير حل ضعيف … والي مبيديش واجب ضعيف … والي بيدي واجب ومبصححهوش ضعيف … والي بيدي واجب وبيديه للاسيستانت يصححه ضعيف … والي بيحط في الفصل اكتر من ٢٠ طالب ضعيف.

زمن التسريبات حينتهى ولازم ولي الامر بقى مياخودش كلام صحاب ابنه مصدق ولازم يسأل بنفسه ويقيم حصة بحصة بنفسه وكلنا كنا في مدارس واحنا صغيرين ونعرف نفرق بين المدرس القوي من الضعيف المهم نبقى واعيين وللاسف السبع سنين الي فاتوا كانت الموازين مقلوبه وكانت مدرسين التسريبات والحرامية هم ابطال المسلسل وهم الي اسماءهم بتترشح بين اولياء الامور وبعضهم بس الوضع ده بدأ يتغير شوية مؤخرا بعد ما زوبعة التسريبات هديت وبدأ الرايش ينزل تحت والمية بدأت تصفي وتوضح.

ارجوا من كل ولي امر يقرب من ولاده ولو ولاده مش عايزين يكملوا مع مدرس عشان شديد ميسمعوش كلامهم ولو ولاده عايزين مدرس عشان كيوت او صحابهم الانتيم بيرحوله ميسيبوهومش على مزاجهم.
المهم نوعي بعض.
احمد عزت.د

Love
Haha
Wow
Sad
Angry
You have reacted on "Advice 3/30: How to choose a good SAT English I..." A few seconds ago

0 responses on "Advice 3/30: How to choose a good SAT English Instructor?"

Leave a Message