• LOGIN
  • No products in the cart.

Advice 2/30 : How to choose a good school for your son ?

Advice 2/30: How to choose a good school for your son?

نصايح لاولياء الامورنصيحة 2 من 30

إزاي تختار المدرسة الي حتحط فيها ابنك وتآمن عليه فيها وتكون واثق ان اداءها في معظمه كويس

كنت كتبت قبل كده باختصار عن علامات المدارس الكويسه الي يقدر يعرفها ولي الامر وحكتبها بتفصيل اكتر
ممكن ولي الامر من علامات بسيطه يعرف المدرسة كويسه ولا مش كويسه
خلي بالك من العلامات التالية:
١- وانت داخل المدرسة هل في حد بيستقبلك ولا انت داخل بتسأل عشان ده بيبين اذا كان في نظام في المدرسة دي ولا مفيش

٢- موظفين الريسيبشن محترمين وبالهم طويل ولا بيتعاملوا بتناكه وعصبية لو محترمين وبالهم طويل يبقى الاداره عندهم قدوه واخلاقهم كويسه انما لو بيتعاملوا بتناكه تبقى الادارة لما بتغلط بتكابر ومش بتعترف بغلطها وبيرموا اخطاءهم على اولياء الامور علطول.

٣- السواقين والامن مبهدلين في نفسهم وعنيهم حمرا ولا شكلهم مهندم ومحترم لان الادارة الكوسسة تهتم بمظهرهم وبتعملهم تحليل مخدرات ولا مبتعملش.

٤- مكاتب الاداره في وسط الفصول ولا في مكان معزول لان الادارة الناجحه لازم تبقى في وسط الطلبة والمدرسين

٥- خش المكتبة شوف الكتب عليها تراب وميتتقريش وشكلها جديد ومبتستعملش ولا بيحافظوا على صافة الطالب وبيخلوه يقرا كتير

٦- شوف لعب مرحلة الكيجي مصروف عليها ومعمول حسابهم في الامان كويس ولا اللعب فيها نوع من الخطوره لو فيها خطوره ومش حاطين سفينج في كل حته يبقوا مش بيهتموا بحماية الطفل.

٧- هل في دادا في الدور ولا في مشرفات ومشرفين بس لان وجود الدادات بتحافظ على النظافه وبتدل على ان المدرسة بتهتم بنظافة الولاد

٨- الستاف ثابت أو بيمشي كل سنه … لو ثابت وبيحصل تغييرات بسيطه ده كويس

٩- أحد النقط اللي بتدل علي إستقرار الإدارات في المدارس إن يكون اللي ماسكها أجانب فاهمين إداره صح أو مصريين فاهمين إداره صح ودول قليلين

١٠ – المرتبات بتعلي مع الوقت بمعدل ثابت للجميع

١١- إستقرار في المستوي الدراسي التعليمي والثقافي … وده هاتعرفه من أولياء الامور والطلبه وسمعة المدرسه

١٢- إهتمامهم بالجانب التربوي والنفسي والأخلاقي ودي تسأل عليها أولياء الامور

١٣- حب المدرسين للمكان وللإداره دليل علي إنه بينمو

١٤- شكاوي أولياء الأمور بسيطه وبالكاد تكون موجوده

١٥- في نظام ثواب وعقاب علي المنظومه كلها من أول العامل للمدير وبيتطبق

١٦- بص هل الادارة مركزية ولا متعدده يعني اتخاذ القرار مبني على شخص واحد ولا اتخاذ القرار متعدد الشخصيات وليه منظومة في تنسيقها.

١٧- هل في تجاوزات بتتم لاعضاء الاداره وهل في واسطه ومحسوبية ولا الشروط والقرارات بتمشي عالكل.

دي يمكن شوية نقط بسيطه مش صعب إنكم توصلولها وللاسف بقى صعب جدا جدا نلاقي مدرسة انترناشونال فيها المواصفات دي ولا يتعدى ٢% من المدارس كلها
Dr. Ahmed Ali Ezzat

Love
Haha
Wow
Sad
Angry
You have reacted on "Advice 2/30 : How to choose a good school for y..." A few seconds ago

0 responses on "Advice 2/30 : How to choose a good school for your son ?"

Leave a Message