• LOGIN
  • No products in the cart.

كيفية حساب معدل GPA؟

1. كيفية حساب معدل ال GPA؟
##لو التقديم للتنسيق الحكومي:
بتختار اعلي سكور مواد في جريد 12 بحد ادني 5 مواد منها و تكمل ال 3 مواد الباقيين من جريد 11 بشرط عدم تكرار المواد
يعني … موش ينفع تختار انجليش من جريد 12 & 11 هي واحدة فقط الأعلي
مهم طبعا يبقي المواد المؤهلة داخلة في ال 8 مواد … زي البايو و الكمستري للكليات الطبية … الادفانسد ماث/ماث و الفيزيكس الكليات الهندسية … ICT للحاسبات و معلومات …ART للكليات الفنية … لغة تانية لكليات آداب لغات و الألسن … الفرنش للحقوق …
بتجمع سكور ال 8 مواد بيطلع توتال من 800 و تقسم التوتال ده علي 20 حتطلع سكور ال GPA
##لو التقديم للخاص …
بنعمل نفس الكلام الي معمول للحكومة و لكن ممكن نفسك المواد بحد ادني 4 من جريد 12 … و 2 من جريد 11 و حد اقصي 2 من جريد 10
الجامعة الخاصة هي الي بتحسب ال GPA وقت التقديم و بتقولك عليه علي حسب التخصص الي انت نقدم عليه …
2. ازاي احسب السكور الإجمالي بتاعي؟
##لو انت جريد 12 و داخل التنسيق السنة (2018 )
حتستخدم الحسبة كالآتي
(Sat1/1600)×60 + (Sat2/1600)×15 + GPA
If score 》1090 (new)
(Sat1/1600)×69 + (Sat2/1600)×15 + GPA
#لو انت جريد 12 و داخل التنسيق الخاص السنة دي (2018 ) حتستخدم الحسبة دي
If score < 1090 (new)
(Sat1/1600)×60 + (Sat2/1600)×15 + GPA
If score 》1090 (new)
(Sat1/1600)×75 + (Sat2/1600)×15 + GPA
#ملحوظة_هامة:
بعض الجامعات الخاصة بنضرب البونص في 69 بدل 75 (زي الحكومة)
##لو انت جريد 11 و رايح جريد 12 و كل الدفعات الي بعد كده… فحيطبق عليك قرار 238 الحسبة الجديدة الي لغت البونص الي هي كالاتي:
#لو كنت امتحنت Sat2 … الحسبة حتبقي
(Sat1/1600)×50 + (Sat2/1600)×10 +GPA
و ده حيفتحلك كل الكليات #النظرية_و_العملية
#لو كنت موش امتحنت Sat2 … الخسبة حتبقي
(Sat1/1600)×60 + GPA
في الحالة دي حتبقي بس متاحة #الكليات_النظرية_فقط
#لكل_الجريدز_و_الحالات…
*** الحكومة موش بتقبل sat1 أقل من أو 1050 (new )
و موش بتقبل sat2 أقل من 1100
*** الخاص موش بيقبل sat1 أقل من 800 (new ) … (حتي تاريخه)
و بالنسبة ل sat2 موش بيقبلوا أقل من 900
3. طب حكومي بتقبل من كام sat1 …؟؟؟
ده سؤال الحقيقة صعب الرد عليه لكن ممكن تشوفوا سكورات السنة الي قبلكم طب حكومي قفل علي كام … و تشوفوا انتوا قدراتكم فين بالنسبة السكور ده… الحكومة أو الخاص موش بيشترطوا سكور معين لسات١ أو سات٢ لدخول كليات معينة و لكن علي حسب المجموع الكلي… الي بيبقي من 3 أجزاء زي ما شوفوا في الحسب فوق
4. شرطة و فنية عسكرية و طب عسكري بياخدوا من كام؟
دول بياخدوا شروط الحكومة بحذافيرها و بعدين بيعملوا تنسيق داخلي غير الاختبارات التانية …
5. حربية و بحرية و الكليات العسكرية؟
بياخدوا نفس شروط المعاهد العليا في التنسيق الحكومي
6. الجامعات الخاصة قالت حتقبل نيو من 800 يعني انا سكوري حيدخلني هندسة أو طب خاص؟
الجامعات الخاصة بتشترط حدود دنيا بتعلن كل سنة قبل بداية التنسيق لكل قطاع
السنة دي الحدود الي أعلنت كالاتي:
طب ….95
طب اسنان/صيدلة/علاج طبيعي…. 90
هندسة و فنون جميلة أو تطبيقية عمارة … 80
Computer sciences/ biotechnology/علوم تطبيقية … 70
Business/اعلام/سياسة و اقتصاد/ السن و ترجمة …65
فلازم تحسب مجموعك الكلي و تعرف انت عديت الحد الادني و الا لاء؟؟؟
7. هو فيه Matching في sat1 أو sat2؟؟
ال matching ده حق أصيل في ال SAT سواء Sat1 أو Sat2
التنسيق الخاص و الحكومة بيعمل ماتشينج سواء في sat1 or sat2
#يعني_ايه_ماتشينج؟
في Sat1 بياخد اعلي سكور انجليش من محاولة مع اعلي سكور ماث سواء كان في نفس المحاولة أو محاولة غيرها المهم تبعت المحاولات الي عاوز احسبها في ال score report
في Sat2 بياخد اعلي سكور مادتين منفصلتين علي مدار المحاولات الي دخلتها… انت ممكن تدخل في المحاولة الواحدة حد ادني مادة واحدة و حد اقصي ٣ مواد … التنسيق بياخد اعلي مادتين علي مدار المحاولات بس لازم يكون مادتين منفصلتين Math Lv1 & Math Lv2 يعتبروا مادة واحدة ويؤخذ اعلي درجة في اي واحد فيهم … موش بيتحسبوا مادتين في التنسيق مع ان امتحاناتهم مختلفة و الكولدج بورد باعتبارهم مادتين 
#Fi_MATCHING
8. انا خلصت المدرسة و استلمت الترانسكريبت و الدبلومة بس لسة موش جبت السكور الي يدخلني الكلية الي عاوزها…. هل ينفع احسن sat1 or sat2؟؟
في التنسيق الحكومي:
لو موش جايب السكور الي يضمن لك دخول الكليات الي في بالك و قررت تحسن … ده مسموح لحد سنتين بعد تخرجك من المدرسة يعني g13&g14 و مسموح ليك فقط تحسين Sat1 و تقدم في السنة الي بعد تخرجك بشروط تنسيق السنة الي حيقدم فيها #بشرط انك موش قدمت في التنسيق الحكومي قبل كده و لا دخلت بياناتك علي موقع التنسيق خالص
التحسين في Sat2 في الحكومة #موش_مسموح_بيه
في التنسيق الخاص:
علي حسب كل جامعة خاصة و شروطها في جامعات بتقبل ورقك وقت التنسيق لدخول التيرم التاتي بشرط حصولك علي السكور خلال تريال أكتوبر أو نوفمبر أو ديسمبر و لو جبته بتدخل التيرم التاني … او بتدخل اي كلية جايبة مجموعك و بتحول علي التيرم التاني
و ممكن تقدم السنة الي بعدها و بالتالي ضاع عليك سنة …
الكلام ده بالنسبة ل Sat1…. طيب و Sat2 هل الخاص بيقبل تحسين فيه؟
فيه بعض الجامعات بتقبل فلازم تسأل و تتأكد من المعلومة دي قبل ما تقرر انك ها تدخل تحسين علشان تبقي الأمور واضحة امامك…
– Prepared by:
#Dr_Ahmed_Ezzat_Teamwork
#SATurDays_SAT_Academy_Teamwork
#NasrCity, #Shorouk, #Haram, #Tagamo3, #Mohandseen, #Maadi, #October.
– Supervision:
#Dr_Ahmed_Ezzat
#SAT_Math_Instructor
– Contacts:
01001600522 – 01145008666 – 01117118681 – 01117118683 – 01117118684 – 0224147108 – 026307946.

Love
Haha
Wow
Sad
Angry
You have reacted on "كيفية حساب معدل GPA؟" A few seconds ago

0 responses on "كيفية حساب معدل GPA؟"

Leave a Message